Traxedia, farsa, etc.

El prestixu turísticu d’Asturies y la so despoblación son inversamente proporcionales. Pa igualo, un grupu d’empresarios propón convertir el suroccidente nun parque d’atracciones estrictamente realista de la época romana. L’acción asocede nel campamentu romanu de Picu L.lagüezos. Los visitantes paguen por desempeñar roles (patriciu, esclavu, druida o rebelde) y en función de cuánto paguen, algamen un grau u otru dientro de la sociedá nuna réplica exacta de la sociedá del sieglu I d.C. La historia repítese, inevitablemente.